Markþjálfun
Markþjálfun er fyrir öll þau sem vilja auka ástríðu, árangur og afköst.
Tilgangur markþjálfunar er að einstaklingar upplifi ríkari tilgang, lífshamingju, sigra og sátt. Markþjálfun er vettvangur visku, virðingar & trausts og miðar að því að markþjálfi styðji marksækjanda í að taka fulla ábyrgð og stjórn á eigin lífi og líðan með sjálfsrækt að leiðarljósi. Þú ákveður umræðuefnið og hvernig árangur lítur út í þínum huga. Mitt hlutverk er að fylgja þér á þínu ferðalagi. Ég held utan um ferlið og beini þér að kjarna málsins með beinum tjáskiptum og kraftmiklum spurningum og legg þannig grunn að rými fyrir viðhorfsbreytingar, sjálfsskoðun og vöxt.
Markþjálfun á rætur að rekja í virtar fræðigreinar, m.a. jákvæða sálfræði, leiðtogafræði, stefnumótun, íþróttafræði, hugræna atferlismeðferð (HAM), geðlækningar, sálgæslu, tilvistarsálfræði, uppeldisfræði og NLP.
Hlutverk markþjálfa
Hlutverk mitt sem markþjálfa er að styðja þig í að finna hugrekki til að sækja þína drauma og framtíðarsýn.
Markþjálfi beitir kerfisbundnum samtalsaðferðum og aðstoðar markþega að stytta leiðina að settu marki. Í markþjálfun felst samvinna markþjálfa og markþega þar sem rýkir traust og gagnkvæm virðing. Í markþjálfun er unnið með styrkleika markþegans til að ýta undir áhuga hans og ástríðu.
Markþjálfun er leið til að:
Kanna möguleika og tækifæri
Finna og forgangsraða markmiðum
Rýna í hindranir, óleyst verk og ókláruð mál
Hámarka árangur, gæðastundir, hamingju og lífsgleði
Losa sig við óþarfa og óþægindi úr lífinu
Ég sérhæfi mig í starfstengdri vinnu með fólki sem vill kynnast eigin möguleikum og styrk, setja sér markmið, ná jafnvægi vinnu og einkalífs og bæta eigið líf. Vinn einnig með fyrirtækjum að bættri fyrirtækjamenningu og teymismarkþjálfun.
Ég vil gjarnan hjálpa þér að leysa úr læðingi þá krafta sem innra með þér búa. Heyrðu í mér og byrjum að skapa þér jarðveg og umhverfi þar sem þú getur vaxið og dafnað.
Umsagnir
ánægðra
markþega
„Markþjálfunin hjá Lellu hefur reynst mér ofsalega vel og fór framúr væntingum mínum. Ég öðlaðist skýrari sýn á þá vegferð sem ég vildi skipuleggja betur og hvaða skref ég vil taka í framhaldinu. Hver tími gaf mér ávinning sem saman hefur svo gefið mér áætlun um hvernig ég mun halda áfram.“
„Ég áttaði mig á hvað hefur verið að angra mig og hvað ég get gert í framhaldi. Gott að fá annað sjónarhorn og átta mig á minni stöðu. Mér leið mjög vel og fann fyrir væntumþykju.“
„Ég get heilshugar mælt með því að þiggja markþjálfun hjá Lellu. Með áhrifaríkari markþálfunarsamtölum sem ég hef átt. Þetta var mjög styðjandi ferli í átt að meiri sjálfsmeðvitund.“
„Lella is an amazing coach and has really given me a new perspective on my life and my future - I honestly feel that coaching with Lella has changed my life. She believed in me when I didn’t believe in myself and she helped me gain some of my confidence back after a bad burnout, as well as helping me to find a sense of purpose in my life. I’m really grateful to have met Lella and very thankful for all that she has done for me through the coaching process. I couldn’t recommend Lella highly enough ❤️.“
„Ég mæli eindregið með markþjálfunartímum hjá Lellu. Ég fór í nokkra tíma og var mjög ánægð með upplifunina. Lella er mjög fagleg í vinnubrögðum sínum, hlustar á mínar þarfir, og kom mér á rétt spor. Hún er með ótrúlega góða nærveru og hefur þá hæfileika að fá mann til að hugsa út fyrir boxið og skoða hlutina á nýjan hátt. Mæli hiklaust með henni fyrir alla sem eru að leita að markþjálfa!“
„Lella hefur einstaklega góða nærveru og skynjar auðveldlega hvað maður þarf frá henni. Markþjálfunin hjá Lellu er sérsniðin að þörfum hvers og eins og maður finnur strax hve reynslumikil og næm Lella er.“
„Mér fannst markþjálfunin gefa mér aukið sjálfstraust og þjálfa mig í sjálfsmildi og hamingju. Markþjálfunin hjálpaði mér líka að treysta betur á eigið innsæi og finna fyrir öryggi í lífi og starfi.“
„Ég mæli heilshugar með Lellu!.“
„Ég vissi í raun ekkert hvað ég var að fara í hafði oft heyrt um markþjálfun en vissi ekki alveg út á hvað hún gekk. Lella vissi 100% hvernig ætti að nálgast "viðfangsefnið mig" og hjálpa mér að skilgreina hver mín markmið eru í raun og veru ásamt því að finna leiðir til að ná þessum markmiðum. Persónuleg og góð þjónusta hefur sjaldan átt betur við en hjá markþjálfanum Lellu.“
„Þegar ég fór fyrst til Lellu var ég mjög óviss um hvort ég vildi halda áfram í vinnunni minni eða segja upp og fara að gera eitthvað annað. Lella hjálpaði mér að átta mig á því hvað það er sem ég vil raunverulega gera, sem er að halda áfram í núverandi starfi, en hún gaf mér líka verkfæri og hjálpaði mér að efla sjálfstraustið til að vinna að því að bæta þá hluti sem ég er ósátt við og gera meira af því sem ég brenn fyrir.“
„Mér fannst markþjálfunin hjálpa við að setja skýran ramma utan um líf mitt og hjálpa við að sjá hvort ég sé að stefna í rétta átt. Þú varst jákvæð og hvetjandi en spurðir samt krefjandi spurninga sem fékk mann virkilega til að hugsa og endurmeta.“
„Lella hjálpaði mér að móta stefnu mína í atvinnumálum og skoða hvað ég gæti hugsað mér að vinna við og ekki. Get algerlega mælt með Lellu og hennar þjónustu.“
Spurt og svarað
um markþjálfun
-
Markþjálfun er faglegt samtalsferli sem styður þig við að skapa skýrleika, styrkja sjálfstraust og færa þig markvisst í átt að markmiðum og aðgerðum sem skipta þig máli.
Í markþjálfun vinnum við ekki með tilbúnar lausnir eða ráðleggingar, heldur með þín gildi, styrkleika, hugsun og innsæi. Markmiðið er að þú finnir þín eigin svör og byggir upp traust á sjálfum/sjálfri þér í ákvörðunum og næstu skrefum.
-
Markþjálfun hentar fólki sem er á starfstengdum tímamótum eða finnur að það er komið að breytingum í lífinu, til dæmis ef þú:
upplifir óvissu eða skort á skýrri stefnu
ert að íhuga breytingu, starfsþróun eða nýtt hlutverk
glímir við sjálfsefa, innri gagnrýni eða loddaralíðan
vilt efla sjálfstraust, skerpa fókus og ákvarðanatöku,
vilt vinna markvisst að markmiðum, á þínum forsendum.
Markþjálfun er fyrir fólk sem vill taka ábyrgð á eigin þróun og vexti og er tilbúið að staldra við, skoða sig og stíga skref áfram.
-
Markþjálfun fer fram í trúnaðarsamtölum, annaðhvort á staðnum eða á netinu.
Í hverju samtali:skilgreinum við fókus og markmið
skoðum hugsanamynstur, viðhorf og hindranir
tengjum við gildi, styrkleika og það sem gefur þér orku
mótum raunhæf og skýr næstu skref
Lögð er áhersla á að skapa rými þar sem ríkir trúnaður, traust og gróska. Ferlið er greinandi, styðjandi og markvisst.
Ég vinn út frá faglegri markþjálfunarnálgun sem byggir á viðmiðum International Coaching Federation (ICF) og samþætti hana við reynslu úr mannauðsmálum og atvinnulífi.
-
Það fer eftir þörfum og markmiðum hvers og eins hversu mörg skipti þarf til að ná árangri í markþjálfun.
Algengt er að fólk byrji á að koma í:3–5 skipti til að skapa skýrleika og koma hlutunum á hreyfingu
6–10 skipti ef unnið er dýpra með sjálfstraust, stefnu og breytingar
Við metum þetta alltaf saman og við finnum réttan takt í sameiningu. Markþjálfunin á að þjóna þér og þínum tilgangi, ekki öfugt.
-
Ég starfa samkvæmt siðareglum ICF, sem tryggja meðal annars:
fullt trúnaðarsamband
virðingu, jafnræði og fagmennsku
skýran ramma um hlutverk markþjálfa og markþega
að markþjálfun sé ekki meðferð, ráðgjöf eða greining
Þú mátt búast við öruggu rými, faglegum vinnubrögðum og samtölum þar sem borin er virðing fyrir þér og þínum aðstæðum.
-
Nei. Í markþjálfun erum við alltaf að vinna með núverandi aðstæður og vinna okkur í átt að þeirri framtíðarsýn sem markþeginn vill sjá raungerast í sínu lífi. með því að kanna möguleika og setja upp aðgerðir.
Markþjálfun byggir á því að þú hafir þæar innri auðlindir sem þú þarft til að finna þín svör, með stuðningi og faglegu samtali.
-
Nei. Margir koma einmitt til að finna skýrleika. Markþjálfun hentar vel þegar þú upplifir að þú sért týnd/týndur, finnur að eitthvað þarf að breytast en þú veist ekki hvað, finnur að þú ert komin/kominn á endapunkt á tilteknu sviði, finnur að þú vilt fá meira út úr lífi eða starfi en veist ekki hvernig. Markþjálfun snýst um að við greinum þetta saman og mótum markmið og aðgerðir sem þjóna þér og ýta undir þína sátt, vöxt og vellíðan.
-
Það er algengt og mjög eðlilegt. Markþjálfun getur hjálpað þér að greina hvað þú vilt meira af, minna af og hvað er að kalla á breytingu og hvers vegna.
-
Flestir upplifa:
meiri skýrleika og fókus
aukið sjálfstraust og innri ró
betri ákvarðanatöku
skýrari mörk og stefnu
raunhæf skref sem færast í framkvæmd